Noa den Ham.

'k Fietsen woer de nieje weg deur
Marel op den Ham an geet,
Gellen broam en botterbloomen
Peppels zoezen zachte eer leed.

'k Gunge nog nen zaandweg langs
De ruine van Roohös
Woer weleer de juffers zatten
Leupen noe de hoonder lös.

'k Zagg' al in de veerte mooi den
Hammer stompen toren stoan.
Völle kerkvolk kwam miej tegen
Kerke was net uut egoan.

Toew'k door op den Hammerbrink met
Al dee hooge beume kwam,
Dee good onderhölen huze
Dach ik: "netten stillen Ham".

"k Zagg' der hier en door niejsgierig
Eéne langs 't gedientien zeen.
Mar det doow in Hel'dern ook nog
Det hew met den Ham gemeen.

'k Zatte geerne 'n zettien in het
Oale Middendörp's hotel,
Woer mien groppmoo's Dolfoom wonnen
Doorumm' trek miej det nog wel.

"k Zagge geerne dee vergunning
Met dee oorge trappe weer,
Mar de deure was op slot, het
Lukken miej neet disse keer.

Vroeger etten wiej 'door Hammer-
Stoete met rookvleisch der op.
Door wok noew weer achter eer, mar
'k Kreeg de kouse op de kop.

Ham, wat hej nen mooien toren
Op den oonzen lik e wat.
Blauwe doeven vleugen vrèèg door
In en uut nen gallemgat.

Hammerleu, iej hebt den toren
Dörf ik wedden, toch wel leef?
Aj dan met mekaar is zaggen,
Det der 'n paar cent oaverbleef.

Um den toren op te knappen,
In te voogen en zo meer.
Want as den oew gung te gronde,
Hammervolk.... 't dee miej nog zeer.

Hoalt oew oale spul in eere
En versloddert 't neet in sleur.
Want oew' kinder en kindskinder
Zint er misschien dankbaar veur.

. . . . . . . . . . . . . . . . .

Mooi greun begreuiden toren
In den netten, stillen Ham ....
Zoej der nog armoodig uutzeen,
Ak van 't noazommmer weer kwam?

Helderen, Juni 1928.